Leikskólatónleikar

Nemendur og kennarar Tónlistarskólans á Egilsstöðum lögðu leið sína á leikskólana Skógarland og Tjarnarland mánudaginn 9. desember til þess að spila jólalög fyrir leikskólabörnin. Á efnisskránni voru allskonar jólalög, gömul og ný, íslensk og erlend. Leikið var á píanó, blokkflautu, klarínettu, saxófón og slagverk. Áheyrendurnir ungu voru mjög áhugasamir og tóku gríðarlega vel á móti nemendunum. Nemendur stóðu sig frábærlega og þetta var góð skemmtun í alla staði. Ekki síst var gaman fyrir suma nemendur að fá að spila fyrir yngri systkini sín. Við þökkum leikskólanum Tjarnarskógi fyrir að leyfa okkur að koma í heimsókn og óskum nemendum til hamingju!