Lena Lind til MÍT

Lena Lind Bergdal Brynjarsdóttir, þverflautunemandi við Tónlistarskólann á Egilsstöðum, er einn af þeim nemendum sem hefur verið sérstaklega virkur í starfi skólans undanfarin ár. Það er þó ljóst að við munum kveðja hana eftir skólaárið, þar sem hún fór í inntökupróf í Menntaskóla í Tónlist í byrjun júní og komst þar inn. Lena hóf tónlistarnám í forskólanum en sneri sér svo að þverflautunni og lærði hún hjá Berglindi og síðar hjá Sóleyju og lauk miðprófi í vor. Við erum gríðarlega stolt af Lenu og þeirri vinnu og alúð sem hún hefur lagt í tónlistarnám sitt og óskum henni til hamingju!