Lífið er núna

Miðvikudagskvöldið 1. febrúar fóru fram tónleikar í Egilsbúð á Neskaupsstað til styrktar Krafti, en það er félag fyrir ungt fólk sem hefur greinst með krabbamein og aðstandendur þeirra. Tónleikarnir báru yfirskriftina „Lífið er núna“ og eru haldnir vítt og breitt um landið, meðal annars með tónlistarmönnum af svæðinu. Hægt er að lesa meira á https://lifidernuna.is/. Ína Berglind Guðmundsdóttir, nemandi við Tónlistarskólann á Egilsstöðum og Tónlistarskólann í Fellabæ, kom meðal annarra fram á tónleikunum, en hún hefur undanfarið getið sér gott orð fyrir glæsilegan tónlistarflutning og flottar lagasmíðar. Við erum auðvitað afar stolt af Ínu Berglindi og hennar framlagi til styrktartónleikanna!