Lína Langsokkur

Egilsstaðaskóli setti upp leikritið Lína Langsokkur sem árshátíð yngri bekkja skólans þetta árið. Voru tvær sýningar að þessu sinni, ein hjá 1.-2. bekk og önnur hjá 3.-4. bekk. Var þetta litrík og glæsileg uppsetning og nemendur stóðu sig alveg frábærlega. Berglind Halldórsdóttir sá um tónlistarstjórn í sýningunni. Að þessu sinni var notast við upptökur sem undirleik, sem Tónlistarskólinn vann fyrir sýninguna. Nemendur Tónlistarskólans voru svo margir í burðarmiklum hlutverkum á sviði og stóðu sig með mikilli prýði, bæði nemendur úr forskólahópum og sönghópum. Við óskum Egilsstaðaskóla innilega til hamingju með glæsilega sýningu, þökkum fyrir samstarfið og hlökkum til næstu árshátíðar!