List án landamæra

Nemendur Tónlistarskólans á Egilsstöðum voru afskaplega duglegir allt skólaárið að koma fram á hinum fjölbreyttustu listviðburðum og hátíðum. 5. maí síðastliðinn var engin undantekning, en þá sungu tveir nemendur skólans, þær Elísa Petra Benjamínsdóttir Bohn og Signý Þrastardóttir, á opnunarhátíð Listar án landamæra í Frystiklefa Menningarmiðstöðvar Fljótsdalshéraðs, Sláturhússins. Söngkonurnar tvær tóku þátt í flutningi á stórskemmtilegri útsetningu á laginu Take Five eftir Dave Brubeck og tóku áheyrendur þeim afskaplega vel. Við þökkum skipuleggjendum Listar án landamæra innilega fyrir að veita nemendum okkar þetta tækifæri um leið og við sendum þeim síðbúnar hamingjuóskir með frábæra listahátíð!