Litla upplestrarkeppnin

Litla upplestrarkeppnin var haldin í Egilsstaðaskóla fimmtudaginn 3. mars. Gafst þá nemendum í fjórða bekk skólans tækifæri til þess að láta ljós sitt skína í upplestri fyrir fullu húsi foreldra og annarra aðstandenda. Nokkrir nemendur úr bekknum sem stunda nám við tónlistaskólann fluttu tónlistaratriði. Einn nemandi lék á píanó og einn á ukulele ásamt því að strákarnir í sönghóp fjórða bekkjar sungu. Nemendurnir stóðu sig mjög vel og frábært að þeir skyldu fá að koma fram fyrir framan bekkjarfélaga sína og foreldra. Við óskum fjórða bekk Egilsstaðaskóla innilega til hamingju með Litlu upplestrarkeppnina og þökkum þeim fyrir þetta frábæra tækifæri!