Litla upplestrarkeppnin

Litla upplestrarkeppnin fór fram fimmtudaginn 22. maí í Tjarnargarðinum í hreint út sagt dásamlegu veðri. Litla upplestrarkeppnin er tækifæri fyrir nemendur í fjórða bekk að sýna snilli sína í upplestri. Tveir sönghópar á vegum Tónlistarskólans fluttu tónlistaratriði á viðburðinum, en báðir þeir hópar samanstóðu einmitt af nemendum úr fjórða bekk. Þótti við hæfi að bjóða upp á söngatriði með flottum íslenskum textum við þetta tækifæri. Söngnemendurnir stóðu sig mjög vel og var gaman að hlýða á yndislega tónlist og upplestur í góðu veðri. Við viljum óska fjórða bekkjar nemendum og fjórða bekkjar teymi Egilsstaðaskóla innilega til hamingju með glæsilegan viðburð!