Lokahátíð Nótunnar 2017

Fulltrúar Tónlistarskólans á tónleikum í Hörpu

Þann 2. apríl fór lokahátíð Nótunnar 2017 fram í Eldborgarsal Hörpu. Tuttugu og fjögur stórglæsileg atriði komu þar fram og átti Tónlistarskólinn á Egilsstöðum tvö þeirra. Joanna Natalia Szczelina, Sigurlaug Björnsdóttir, Kristófer Gauti Þórhallsson, Þuríður Nótt Björgvinsdóttir og Bríet Finnsdóttir spiluðu glæsilega fyrir okkar hönd ásamt Myrru Wolf og Charles Ross, meðleikurum. Joanna lék Alla Tarantella eftir Edward MacDowell og samspilshópurinn lék flautukonsertinn „La Notte“ eftir Antonio Vivaldi. Það var síðan Anya Hrund Shaddock sem hlaut Nótuna í ár, en hún er frá Fáskrúðsfirði og var valin til þess að spila í Hörpu á svæðistónleikunum Nótunnar í Egilsstaðakirkju um daginn.