Lokahátíð Nótunnar 2019

Sex nemendur frá Tónlistarskólanum á Egilsstöðum tóku þátt í lokahátíð Nótunnar í menningarhúsinu Hofi á Akureyri laugardaginn 6. apríl í þremur ólíkum atriðum. Efnisskráin var öll hin glæsilegasta, enda höfðu tónlistarkólar á Íslandi sent virkilega vönduð og fjölbreytt atriði á tónleikana. Mátti heyra þar allt frá klassískum píanóleik yfir í hart þungarokk og því mátti vel sjá að fjölbreytt og gott starf er unnið í tónlistarskólum landsins. Nemendur Tónlistarskólans á Egilsstöðum stóðu sig með glæsibrag og voru skólanum og foreldrum sínum til mikils sóma á hátíðinni. Við þökkum Tónlistarskólanum á Akureyri fyrir frábærar móttökur og óskum tónlistarskólum landsins til hamingju!