Lokatónleikar TME

Tónlistarfélag Menntaskólans á Egilsstöðum hélt stórkostlega lokatónleika í Valaskjálf fimmtudagskvöldið 7. maí. Að venju átti Tónlistarskólinn marga núverandi og fyrrverandi nemendur á sviði og erum við afar stolt af þeirra framlagi til tónleikanna. Mikill fjöldi nemenda tók þátt í tónleikunum, sem sýnir fram á að það er afar blómlegt tónlistarlíf í ME. Nemendur fluttu mörg sívinsæl lög, bæði íslensk og erlend, og stóðu sig afskaplega vel. Mikil ánægja var með tónleikana, sem voru vel sóttir, og góð stemmning í salnum. Við óskum TME innilega til hamingju með glæsilegan viðburð og hlökkum til fleiri frábærra tónleika hjá þeim á næstu árum!