Lúðrasveit í Stuðstrætó!

Lúðrasveit Fljótsdalshéraðs tók þátt í Ormsteiti um helgina og lék nokkur vel valin lög í Stuðstrætó. Strætisvagninn keyrði um bæinn með viðkomu á veitingastöðum og vakti mikla lukku. Lúðrasveitin lék íslensk dægurlög af ýmsum gerðum. Eftir rúntinn stoppaði sveitin í brekkunni á bak við Tehúsið og spilaði eitt lag fyrir gesti. Tónlistarskólinn er samstarfsaðili lúðrasveitarinnar og eru kennarar skólans og nemendur meðal meðlima hennar auk annarra blásturshljóðfæraleikara sem búsettir eru á Fljótsdalshéraði. Lúðrasveitin er alltaf að leita að nýjum meðlimum og eru áhugasamir hvattir til þess að kíkja á æfingu, en sveitin æfir á mánudagskvöldum kl. 20:00 í tónmenntastofu Egilsstaðaskóla.