Lúðrasveitartónleikar

Lúðrasveit Fljótsdalshéraðs hélt tónleika laugardaginn 31. maí kl. 14:00 í Sláturhúsinu, en Tónlistarskólinn á Egilsstöðum er stoltur stuðningsaðili lúðrasveitarinnar og nemendur skólans eru þar á meðal spilara. Efnisskráin var með jazz-ívafi og mátti heyra jazz standarda, tónlist undir jazz áhrifum og jazzaða kvikmynda- og sjónvarpsþáttatónlist. Tónleikarnir voru vel sóttir og óhætt að segja að lúðrasveitin hafi verið í góðu stuði þennan dag. Lúðrasveitin er alltaf að leita að nýjum meðlimum, svo ef þið vitið um einhvern sem spilar á blásturshljóðfæri eða slagverk og hefur áhuga á að byrja að spila með okkur er um að gera að vera í sambandi.

Við þökkum Sláturhúsinu kærlega fyrir gott samstarf og stuðning við sveitina!