Lúðrasveitartónleikar í Tehúsinu

Lúðrasveit Fljótsdalshéraðs hélt létta og skemmtilega tónleika í Tehúsinu sunnudaginn 19. maí. Tónlistarskólinn er samstarfsaðili Lúðrasveitarinnar og eru þátttakendur í sveitinni nemendur og kennarar skólans auk annarra hljóðfæraleikara af Fljótsdalshéraði. Á efnisskrá var fjölbreytt úrval tónlistar og mátti heyra danstónlist fyrri alda, rokk og dixieland, íslensk lúðrasveitarlög, dægurlög og söngleikja- og kvikmyndatónlist. Á tónleikunum skapaðist afslappað og gott andrúmsloft og áhorfendur tóku flutningi lúðrasveitarinnar afskaplega vel. Það er von okkar að lúðrasveitartónleikar verði reglulegir viðburðir á Fljótsdalshéraði næstu árin. Við þökkum áhorfendum komuna og Tehúsinu fyrir að leyfa okkur að koma og spila. Lúðrasveitin treður næst upp á 17. júní!