Lúðrasveitin á 17. júní

Lúðrasveit Fljótsdalshérað lék á hátíðarsamkomu á 17. júní í Íþróttamiðstöðinni á Egilsstöðum, en Tónlistarskólinn er samstarfs- og stuðningsaðili lúðrasveitarinnar. Sveitin spilaði nokkur vel-valin ættjarðarlög fyrir viðstadda. Það var afar ánægjulegt að lúðrasveitin fengi að koma þarna fram, en þennan vetur hefur starfsemin legið að mestu leyti niðri vegna heimsfaraldurs COVID-19. Æfingar hjá lúðrasveitinni hefjast aftur 7. september og eru á mánudagskvöldum kl. 20:00 í tónmenntastofu Egilsstaðaskóla. Sveitin er alltaf að leita að nýjum meðlimum og hvetjum við alla þá sem áhuga hafa og spila á blásturs- eða slagverkshljóðfæri að hafa samband við Sóleyju formann eða bara hreinlega mæta á æfingu!