Lúðrasveitin á þrettándagleði

Lúðrasveit Fljótsdalshéraðs lék á þrettándagleði Hattar sem fram fór 6. janúar í Tjarnargarðinum. Það var vindasamt í veðri en skjól í garðinum og það var vel mætt á gleðina. Lúðrasveitin lék fimm jóla- og áramótalög og voru álfalög áberandi á efnisskrá. Tónlistarskólinn er samstarfsaðili Lúðrasveitarinnar og í henni spila bæði nemendur og kennarar skólans auk annarra blásturshljóðfæraleikara á Fljótsdalshéraði. Lúðrasveitin er alltaf að leita að nýjum meðlimum og getur bætt á sig hljóðfæraleikurum á allar raddir. Það er meira að segja boðið upp á upprifjunartíma fyrir þá sem þurfa! Æfingar hennar eru á mánudagskvöldum kl. 8 í tónmenntastofunni í Egilsstaðaskóla.