Malmö og Kaupmannahöfn

Starfsfólk Tónlistarskólans er komið heim eftir frábæra símenntunarferð til Malmö og Kaupmannahafnar. Í ferðinni fengum við að fræðast um skólakerfið og tónlistarkennslu í Svíþjóð. Við heimsóttum tónlistarháskólann í Malmö og fengum leiðsögn um hann og að fylgjast með allskonar mismunandi kennslu. Einnig fórum við í grunnskóla í Malmö, Johannesskola, og fengum þar m.a. að kynnast El Sistema tónlistarkennslukerfinu og taka þátt í tíma sem var hluti af því. Við fengum einnig leiðsögn um óperuhúsið í Kaupmannahöfn, sem er allt hið glæsilegasta. Ferðin var afar ánægjuleg og fróðleg í alla staði og óhætt að segja að við komum heim reynslunni ríkari.