Mamma Mia!

Fimmtudagskvöldið 17. nóvember var haldin árshátíð í Egilsstaðaskóla þar sem nemendur 8., 9. og 10. bekkjar fluttu hinn þekkta söngleik Mamma Mia. Með því var ekki ráðist á garðinn þar sem hann er lægstur, en það verður að segjast að hópurinn leysti þetta metnaðarfulla verkefni með miklum glæsibrag. Öll umgjörð og framkvæmd var afar vel heppnuð, flytjendur stóðu sig með prýði og viðtökurnar voru eftir því.  Sum lögin voru flutt með „playback“ undirleik en hljómsveit skipuð nemendum og kennurum Tónlistarskólans á Egilsstöðum skipaði einnig veglegan sess í sýningunni. Viðburður sem þessi er frábært tækifæri til samstarfs fyrir nemendur skólanna sem einnig læra að takast á við nýjar aðstæður og öðlast ómetanlega reynslu. Við viljum þakka starfsliði grunnskólans fyrir gott og skemmtilegt samstarf og óska öllum aðstandendum sýningarinnar til hamingju!