Mamma Mia!

Hljómsveitin (allavega að hluta!)

Það var mikið um glitur og glans í Egilsstaðaskóla fimmtudagskvöldið 12. nóvember þegar elsta stig Egilsstaðaskóla setti upp hin frábæra söngleik Mamma Mia!, með tilheyrandi ABBA tónlist. Tónlistarskólinn tók að vanda þátt í uppsetningunni, en hljómsveit á vegum skólans lék undir í ýmsum lögum og starfmenn skólans aðstoðuðu við rafrænt undirspil undir öðrum lögum auk þess að aðstoða söngvarana. Margrét Lára, söngkennari, var söngvurum til halds og trausts á meðan Berglind Halldórsdóttir sá um skipulagningu verkefnisins af hálfu Tónlistarskólans auk hljómsveitarstjórn. Nemendur stóðu sig frábærlega og var mikil ánægja með sýninguna. Við óskum Egilsstaðaskóla til hamingju og þökkum fyrir samstarfið!