Mamma Mia! Here We Go Again

Leikfélag Menntaskólans á Egilsstöðum setti upp söngleikinn Mamma Mia! Here We Go Again í Sláturhúsinu dagana 17.-19. febrúar. Söngnemendur í Tónlistarskólanum létu sig ekki vanta á sviðið, en þær Emma Rós Ingvarsdóttir, Sesselja Ósk Jóhannsdóttir og Þorgerður Sigga Þráinsdóttir eru allar nemendur Margrétar Láru Þórarinsdóttur. Það er gaman fyrir okkur sem störfum í Tónlistarskólanum að vita af því að nemendur okkar eru að nýta það sem þeir læra hér hjá okkur úti í samfélaginu, sjálfum sér og öðrum til ánægju og við erum afar stolt af þeim. Við óskum nemendum okkar og Leikfélagi M.E. innilega til hamingju með glæsilega sýningu!