Marstónleikar á Dyngju

Flautukonsert eftir Vivaldi leikinn

Mánudaginn 27. mars héldu nemendur og kennarar Tónlistarskólans tónleika í hjúkrunarheimilinu Dyngju. Um fjölbreytta og skemmtilega efnisskrá var að ræða, þar sem píanóleikur, söngur og gítarleikur komu við sögu. Einnig fengu íbúar að heyra nokkra lengra komna nemendur leika valda kafla úr flautukonserti í g-moll eftir Vivaldi, en hann verður fluttur á lokatónleikum Nótunnar í Hörpu nú um helgina. Konsertinn hefur hlotið viðurnefnið „la notte,“ eða nóttin, og er hann mjög krefjandi og skemmtilegt verkefni fyrir nemendur að takast á við. Næstu tónleikar í Dyngju eru svo áætlaðir mánudaginn 25. apríl.