Masterclass hjá Katherine Wren

Skoski víóluleikarinn Katherine Wren heimsótti Tónlistarskólann þriðjudaginn 2. apríl og hélt masterclass fyrir lengra komna strengjanemendur skólans. Hún er víóluleikari við Royal Scottish National Orchestra og er jafnframt meðlimur í samtímatónlistarhóp þeirrar hljómsveitar, RSNO Alchemy og er mjög virk bæði sem hljóðfæraleikari og kennari. Hún hefur áður komið í skólann sem gestakennari, haustið 2016, en í þetta sinn kom hún í tengslum við samstarfsverkefni hennar og Charles Ross, en þau héldu tónleika saman í Reykjavík og svo hér í Sláturhúsinu. Það er frábært fyrir nemendur okkar að fá heimsókn frá svona flottum gestakennurum og þökkum við Katherine kærlega fyrir komuna!