Masterclass með Arnaldi Arnarsyni

Arnaldur Arnarson, gítarleikari, hélt masterclass fyrir gítarnemendur í Tónlistarskólanum fimmtudaginn 4. apríl. Arnaldur hefur verið búsettur á Spáni um árabil þar sem hann kennir við Casa Luthier tónlistarskólann í Barcelona og hafa ýmsir íslenskir gítarleikarar lagt leið sína þangað í nám. Arnaldur lék dúett ásamt Øysteini gítarkennara fyrir nemendur og nemendur léku fyrir Arnald þau verk sem þeir eru að æfa og fengu gagnlegar ábendingar. Arnaldur lagði mikið upp úr réttri líkamsbeitingu og því að láta gítarinn hljóma. Það er ómetanlegt fyrir nemendur að njóta kennslu reyndra hljóðfæraleikara og kennara eins og Arnalds og þökkum við honum kærlega fyrir komuna.