Maxímús Músíkús heimsækir hljómsveitina

Krakkar á Austurlandi fengu skemmtilega heimsókn um helgina, en Sinfóníuhljómsveit Austurlands flutti Maxímús Músíkús heimsækir hljómsveitina á fjórum stöðum á Austurlandi í tengslum við barnamenningarhátíðina BRAS og var Maxi að sjálfsögðu með í för. Tónlistarskólinn á Egilsstöðum er samstarfsaðili SinfóAust og eru nokkrir kennarar hans meðlimir í hljómsveitinni. Krakkarnir á leikskólanum Tjarnarlandi voru sérstaklega heppnir, þar sem Maxímús kom sérstaklega til að hitta þá. Hann hafði með sér nokkra nemendur og kennara Tónlistarskólans sem sýndu krökkunum hljóðfærin sín. Maxímús kíkti líka í heimsókn til yngstu bekkjanna í Egilsstaðaskóla og vakti mikla lukku þar! Maxi og SinfóAust þakka fyrir frábærar móttökur!