Maxímús Músíkús trítlar í tónlistarskólann

Miðvikudaginn 20. október setti Tónlistarskólinn upp sýningu á verkinu Maxímús Músíkús trítlar í tónlistarskólann. Nemendum á yngsta stigi Egilsstaðaskóla var boðið að sjá sýninguna og er óhætt að segja að þau hafi skemmt sér vel.

Berglind Agnarsdóttir las söguna og nemendur Tónlistarskólans léku hlutverk tónlistarnemendanna í sögunni, ásamt því að gera ýmis umhverfis- og bakgrunnshljóð. Berglind Halldórsdóttir sá um skipulagningu sýningarinnar og samæfingar. Nemendur yngsta stigs fengu að sjá og heyra ýmis hljóðfæri, allt frá saxófóni til hrossabrests, en eitt áhugaverðasta hljóðfærið var eflaust næturgalaflautan. Í lok sýningarinnar kom sjálfur Maxímús Músíkús og söng og dansaði með krökkunum.

Sýningin var hluti af BRAS, barnamenningarhátíð á Austurlandi.