Með allt á hreinu

Það var líf og fjör á árshátíð elsta stigs Egilsstaðaskóla þann 15. nóvember. Nemendur settu upp söngleikinn Með allt á hreinu með glæsibrag og áhorfendur skemmtu sér konunglega. Tónlistarskólinn lagði sitt af mörkum til árshátíðarinnar og samanstóð hljómsveitin af þremur nemendum og þremur kennurum skólans. Einnig voru margir nemendur skólans að leika og syngja og þá sérstaklega í kvenhlutverkunum (það væri nú aldeilis gaman að fá fleiri stráka á þessum aldri í söngnámið til okkar!). Við viljum þakka Egilsstaðaskóla fyrir frábært samstarf og að skapa svona gott tækifæri fyrir nemendur að koma fram og óskum öllum til hamingju með sýninguna!