Jólagleði Landsbankans

Nemendur og kennarar lögðu leið sína í Landsbankann föstudaginn 15. desember og spiluðu og sungu fyrir gesti og gangandi á jólagleði bankans. Boðið var upp á fjölbreytt úrval af jólatónlist og ýmsir sem áttu leið í bankann gáfu sér tíma til þess að staldra við og hlýða á nemendur spila og syngja. Það er afar ánægjulegt þegar nemendur fá tækifæri til þess að vera sýnilegir í samfélaginu með þessum hætti og flytja tónlist fyrir áheyrendur sem í sumum tilfellum heyrir ekki oft í nemendum okkar. Nemendunum var afar vel tekið bæði af viðskiptavinum og starfsfólki bankans og þökkum við Landsbankanum fyrir móttökurnar.