Nemendur á jólatónleikum Héraðsdætra

Tveir af nemendum Tónlistarskólans fengu tækifæri þann 13. desember til þess að koma fram með Kvennakórnum Héraðsdætrum á jólatónleikum þeirra. Þess má geta að stjórnandi kórsins er Margrét Lára Þórarinsdóttir, söngkennari við skólann, og meðleikari er Tryggvi Hermannsson, píanókennari. Á tónleikunum lék Rán Finnsdóttir, fiðlunemi, á fiðlu með kórnum í ýmsum jólalögum. Sigríður Lára Sigurjónsdóttir, söngnemandi Margrétar Láru, frumflutti hins vegar lag og ljóð Hreins Halldórssonar, Fljótsdalshérað, en Hreinn varð hlutskarpastur í ljóðakeppni Héraðsdætra fyrr á árinu um nýtt ljóð til heiðurs kvenna Fljótsdalshéraðs og samdi síðar lag við ljóðið. Sigríður Lára er meðlimur í Héraðsdætrum og söng alla tónleikana.