Nemendur á jólaviðburðum

Það er stefna skólans að efla hæfni, þekkingu og áhuga nemenda til þess að þeir geti tekið virkan þátt í tónlistarlífinu í nærsamfélaginu og margir þeirra gera það. Dögun Óðinsdóttir flutti t.d. tónlist á JólaJazz hlaðborði í Valaskjálf nokkrar helgar í aðdraganda jóla ásamt kennara sínum, Edgar Rugajs jazzgítarleiakra. Einnig fluttu Eygló Daníelsdóttir og Sigríður Lára Sigurjónsdóttir jólalög í Art Gallerí Pétur Behrens ásamt Hlín Pétursdóttur Behrens, söngkennara. Einnig voru nemendur með tónlistarflutning á Ljóðagestum Björgvins í Tehúsninu í lok desember. Það er mjög gaman að sjá nemendur á kreiki víða að stunda sína list og auðga þannig samfélagið okkar!