Nemendur í Egilsstaðakirkju

Lilju-messa fór fram í Egilsstaðakirkju þann 10. nóvember síðastliðin og tónlistarmessa þann 17. nóvember. Í báðum þessum messum komu nemendur Tónlistarskólans á Egilsstöðum fram, sem einsöngvarar, kórsöngvarar og hljóðfæraleikarar. Í Lilju-messu er Liljan afhent, en það eru tónlistarverðlaun þjóðkirkjunnar, til þeirra sem hafa sungið í kirkjukór í yfir 30 ár. Tónlistarmessan er síðan orðin reglulegur viðburður hjá Egilsstaðakirkju, en það er messa þar sem mikið er lagt upp úr tónlistarflutningi. Að þessu sinni sungu nemendur úr Tónlistarskólanum á Egilsstöðum og Tónlistarskólanum í Fellabæ einsöng í sálmum og aríum og sönghópur flutti sænskt þjóðlag. Við þökkum Egilsstaðkirkju fyrir tækifærið fyrir nemendurna!