Nói áfram í Upptaktinum

Tónverk Hinriks Nóa Guðmundssonar, saxófónnemanda við Tónlistarskólann á Egilsstöðum, var valið til þess að fara áfram í Upptaktinn 2024. Þátttakendur af Austurlandi sendu átta lög inn í Upptaktinn eftir Upptaktinn á Austurlandi sem fram fór í febrúar í Studio Silo. Nói mun fá að taka þátt í vinnusmiðju með nemendum í skapandi tónlistarmiðlun við Listaháskóla Íslands auk þess að vinna að útsetningum með nemendum Tónsmíðadeildar LHÍ. Tónleikar Upptaktsins fara fram þann 26. apríl í Hörpu og eru hluti af Barnamenningarhátíð og verður mjög spennandi að sjá útkomuna. Við óskum Nóa innilega til hamingju með þessa viðurkenningu og þetta frábæra tækifæri!