Nótan á Vopnafirði

Nemendur og kennarar lögðu land undir fót laugardaginn 18. apríl og fóru til Vopnafjarðar til að spila og syngja á Svæðistónleikum Nótunnar fyrir Austurland sem fram fóru í félagsheimilinu Miklagarði. Á tónleikana mættu nemendur úr sex af þeim sjö tónlistarskólum sem starfræktir eru á Austurlandi og var hvert atriðið öðru flottara. Nemendur okkar stóðu sig frábærlega og voru skólanum okkar til mikils sóma, en við sendum eitt einleiksatriði, eitt einsöngsatriði og eitt samspilsatriði sem við unnum í samstarfi við Tónlistarskólann í Fellabæ. Við þökkum Tónlistarskóla Vopnafjarðar kærlega fyrir gestrisnina og óskum nemendunum og kennurum þeirra til hamingju með glæsilega tónleika!