Nóvembertónleikar í Dyngju

Þann 28. nóvember lögðu söng- og píanónemendur leið sína í hjúkrunarheimilið Dyngju til þess að flytja fjölbreytta og skemmtilega efnisskrá fyrir íbúa. Flytjendur voru ungir og lengra komnir píanónemendur auk söngvara og sönghópa. Fyrir nemendur í söngforskóla 2. og 3. bekkjar var þetta frumraun þeirra á tónleikum sem söngvarar, sem er auðvitað einkar ánægjulegt. Sumir nemendur voru að flytja efni sem þeir hyggjast síðar spila á áfangaprófi. Slík atriði eru líka sérstaklega skemmtileg og mikilvæg, þar sem oft er um metnaðarfull verkefni að ræða og það að koma við ýmsar aðstæður gerir nemendum kleift að undirbúa sig vel fyrir próf.