Nóvembertónleikar í Dyngju

Tónlistarskólinn hélt sína mánaðarlegu tónleika í hjúkrunarheimilinu Dyngju þriðjudaginn 29. nóvember. Kom þar saman fjöldi íbúa, starfsmanna og foreldra að hlusta á nemendur spila. Að þessu sinni mátti heyra píanónemendur og strengjanemendur leika listir sínar ásamt einum trompetnemanda. Það sem var sérstaklega skemmtilegt við þessa tónleika var að margir ungir píanónemendur, sem byrjuðu bara að æfa núna í haust, þreyttu þar frumraun sína á sviði sem píanóleikarar og stóðu sig alveg frábærlega. Einnig komu fram bæði yngri og eldri strengjasamspilshópur Tónlistarskólans. Við þökkum íbúum og starfsfólki Dyngju kærlega fyrir móttökurnar og hlökkum til að halda jólatónleika í Dyngju 13. desember!