Ný stefna Tónlistarskólans

Ný stefna Tónlistarskólans á Egilsstöðum

Kennarar og skólastjóri Tónlistarskólans hafa unnið saman að gerð nýrrar stefnu fyrir skólann. Hún var samin á stefnumótunarfundum á haustönn 2016 og kynnt fyrir fræðslunefnd Fljótsdalshéraðs þriðjudaginn 24. janúar. Allir kennarar skólans tóku þátt í mótun stefnunnar og samþykktu hana samhljóða. Stefnunni er ætlað að endurspegla gildi okkar og starfsemi svo og að vera leiðarvísir fyrir okkur til þess að við getum gert enn betur. Stefnan birtist á heimasíðu skólans í dag og er svohljóðandi:

Stefna Tónlistarskólans á Egilsstöðum

1. Gefandi nám

Tónlistarskólinn á Egilsstöðum býður upp á gefandi, áhugavert, skapandi og metnaðarfullt tónlistarnám í hvetjandi umhverfi.

2. Einstaklingsmiðað nám

Skólinn leggur áherslu á einstaklingsmiðað nám þar sem þarfir nemandans eru höfð að leiðarljósi og kennsla hvílir á faglegum grunni.

3. Fjölbreytt nám

Í skólanum fer fram kennsla á fjölbreytt úrval hljóðfæra og í margbreytilegum tónlistarstefnum.

4. Eflandi nám

Tónlistarskólinn hefur það að markmiði að efla hæfni, þekkingu og áhuga nemenda til þess að þeir geti tekið virkan þátt í tónlistarlífinu í sínu samfélagi.

5. Sýnilegt starf

Starf tónlistarskólans er sýnilegt í samfélaginu og er skólinn virkur þátttakandi í menningarlífi Fljótsdalshéraðs á fjölbreyttum vettvangi.