Opnun Sláturhússins

Fimmtudaginn 22. september gerðist sá gleðilegi atburður að menningarmiðstöðin Sláturhúsið var opnuð á ný eftir breytingar með hátíðlegri athöfn fullri af ræðuhöldum og tónlistarflutningi. Tónlistarskólinn átti sína fulltrúa þar, en Guðsteinn Fannar Jóhannsson, söngnemandi við skólann, og Úlfar Trausti Þórðarson, fyrrum söngnemandi, sungu við athöfnina. Þeim til halds og trausts var Sándor Kerekes, sem sá um meðleik. Þess má einnig geta að eftir að hinni formlegu dagskrá lauk lék Edgars Rugajs, kennari við skólann, djasstónlist fyrir gesti. Við óskum starfsfólki Sláturhússins, öllum sem sáu um að koma úrbætunum í gegn og íbúum Múlaþings öllum til hamingju með þetta glæsilega hús!