Ormsteiti

Það var líf og fjör á Fljótsdalshéraði dagana 15.-24. september, en þá fór hin frábæra hátíð Ormsteiti fram. Boðið var upp á fjölda fjölbreyttra viðburða og allir gátu fundið eitthvað við sitt hæfi á hátíðinni. Mikið var um tónlistarflutning þessa dagana og áttu nemendur og starfsfólk Tónlistarskólans sinn þátt í því með ýmsum hætti. Nemendur skólans komu meðal annars fram á hátíðinni föstudagskvöldið 22. en þá spilaði Lúðrasveit Fljótsdalshéraðs, sem samanstendur af nemendum, kennurum og öðrum hljóðfæraleikurum af svæðinu, í Stuðstrætó. Söngnemandinn Ína Berglind hitaði einnig upp fyrir Langa Sela og Skuggana í Valaskjálf sama kvöld við gríðarlega góðar undirtektir.