Óvitar

Leikfélag Fljótsdalshéraðs setti upp leikritið Óvitar eftir Guðrúnu Helgadóttur í Sláturhúsinu 11.-19. október síðastliðinn. Var þetta skemmtileg og glæsileg sýning í alla staði. Við í Tónlistarskólanum erum afskaplega stolt af nemendum okkar, núverandi og fyrrverandi, sem tóku þátt í sýningunni, mörg hver í mikilvægum sönghlutverkum. Af þeim 24 þátttakendum sem þarna voru í yngri kantinum eru 17 núverandi nemendur við skólann og tveir fyrrverandi. Að auki fór fyrrverandi nemandi og kennari skólans með aðalhlutverk og meira að segja leikstjórinn er fyrrverandi nemandi skólans! Svo má ekki gleyma því að Héctor Nicolás, píanókennari við skólann, sá um undirleik á píanó alla sýninguna. Við óskum Leikfélaginu innilega til hamingju með flotta sýningu og þökkum fyrir flott tækifæri fyrir nemendurna okkar!