Pétur Pan

Hljómsveitin

Það var mikið fjör í Egilsstaðaskóla miðvikudaginn 29. mars og fullt hús af áhorfendum, en þá settu nemendur á miðstigi upp sýninguna Pétur Pan. Tónlistarskólinn tók þátt í sýningunni að vanda og átti nemendur bæði á sviði og í hljómsveitinni, en tónlistin í verkinu var af ýmsu tagi. Hljómsveitin samanstóð af kennurum og nemendum tónlistarskólans. Hlín Pétursdóttir Behrens var tónlistarstjóri sýningarinnar og Margrét Lára Þórarinsdóttir aðstoðaði nemendur við að undirbúa söngatriðin. Wesley Stephens vann svo töluverða útsetningavinnu fyrir sýninguna. Við þökkum Egilsstaðaskóla kærlega fyrir samstarfið og þessa frábæru reynslu fyrir nemendur og óskum miðstigi skólans til hamingju með glæsilega uppsetningu!