Píanótónleikar í Sláturhúsinu

Tónlistarskólinn hélt píanótónleika í Sláturhúsinu miðvikudaginn 15. apríl. Á tónleikunum komu fram nemendur Héctors og Mairi, en nemendurnir eru allir komnir eitthvað áleiðis í sínu píanónámi og sá lengst komni lýkur framahaldsprófi núna í vor. Nemendurnir stóðu sig frábærlega og fluttu verk sín af fágun og innlifun. Á efnisskrá var sígild píanótónlist eftir tónskáld á borð við Johann Sebastian Bach, Joseph Haydn, Fréderic Chopin og Sergei Rachmaninoff með nýrra efni síðan í bland. Við óskum þessum glæsilegu nemendum og kennurum þeirra innilega til hamingju með flotta tónleika og þökkum menningarmiðstöðinni Sláturhúsinu kærlega fyrir að leyfa okkur að hafa tónleikana þar.