Rót

Sinfóníuhljómsveit Austurlands hélt tónleika sunnudaginn 27. febrúar í Tónlistarmiðstöð Austurlands á Eskifirði. Á tónleikunum voru flutt þrjú verk: Sinfónía nr. 8 eftir Franz Schubert „Hin ófullgerða“, Sellókonsert Roberts Schumann, þar sem Ólöf Sigursveinsdóttir lék einleik, og nýtt verk, Rót, eftir Þórunni Grétu Sigurðardóttur sem hún samdi sérstaklega fyrir hljómsveitina. Að vanda tók ýmist starfsfólk tónlistarskólans virkan þátt í skipulagi tónleikanna auk þess að spila í hljómsveitinni og að þessu sinni lék einn lengra kominn fiðlunemandi í skólanum einnig með. Tónlistarskólinn er stoltur samstarfs- og stuðningsaðili Sinfóníuhljómsveitar Austurlands og við erum þakklát fyrir þá dýrmætu reynslu sem hljómsveitin veitir nemendum okkar.