Rótarýdagurinn

Laugardaginn 23. mars hélt Rótarýklúbbur Héraðsbúa Rótarýdaginn hátíðlegan með fræðslu- og skemmtidagskrá í Tehúsinu. Var saga og starf Rótarýhreyfingarinnar kynnt auk þess að fjallað var um ýmis verkefni hreyfingarinnar og klúbbsins á Héraði. Öystein Magnús Gjerde kom fram á deginum á vegum Tónlistarskólans ásamt Zigmasi Genutis píanóleikara. Öystein er gítarkennari við Tónlistarskólann en er núna orðinn nemandi þar einnig og stefnir að framhaldsprófi í söng. Flutningur Öysteins vakti mikla lukku og er hann frábært dæmi um það að fullorðnir nemendur eiga fullt erindi í tónlistarskóla og að slíkir nemendur geta gefið mikið af sér í tónlistarlífi Fljótsdalshéraðs með margvíslegum hætti.