SamAust

SamAust, undankeppni söngkeppni Samfés, fór fram í Egilsstaðaskóla föstudaginn 28. mars, en hún er opin nemendum á elsta stigi grunnskóla úr Múlaþingi, Fjarðabyggð og Vopnafirði. Tveir nemendur úr Tónlistarskólanum á Egilsstöðum, þær Bríet Krista Sigþórsdóttir og Hanna Sólveig Björnsdóttir, sungu lagið Ocean Eyes eftir Billie Eilish og urðu í þriðja sæti keppninnar. Hanna og Bríet eru nemendur í 10. bekk Egilsstaðaskóla og eru að læra söng hjá Margréti Láru Þórarinsdóttur auk þess að þær hafa báðar stundað hljóðfæranám við tónlistarskólann. Við óskum þeim, ásamt öllum keppendum, til hamingju með frábæran söng og félagsmiðstöðvunum á Austurlandi til hamingju með glæsilegan viðburð!