Sameiginlegir tónleikar tónlistarskólanna

Fimmtudaginn næstkomandi, 16, apríl, munu tónlistarskólarnir á Fljótsdalshéraði halda sameiginlega tónleika á Brúarási kl. 18.00.

Á Fljótsdalshéraði eru starfræktir þrír tónlistarskólar, Tónlistarskólinn á Egilsstöðum (sem sér einnig um tónlistarkennslu á Hallormsstað), Tónlistarskólinn í Fellabæ og Tónlistarskólinn á Brúarási. Samtals stunda yfir 250 nemendur nám við skólana. Síðastliðin þrjú ár hafa skólarnir haldið sameiginlega tónleika árlega, fyrst á Egilsstöðum, þá í Fellabæ og nú er komið að Brúarási.

Við vonumst til að sjá sem flesta og hvetjum alla til að koma og kynna sér það fjölbreytta starf sem fram fer í skólunum. Allir eru velkomnir og aðgangur ókeypis.