Sameiginlegir tónleikar tónlistarskólanna á Fljótsdalshéraði

Miðvikudaginn 29. nóvember kl. 18:00 munu Tónlistarskólinn á Egilsstöðum, Tónlistarskólinn í Fellabæ og Tónlistarskóli Norðurhéraðs, Brúarási halda sameiginlega tónleika í Egilsstaðakirkju. Þetta er tækifæri fyrir flytjendur frá hverjum skóla fyrir sig að koma fram, en einnig mun vera hægt að heyra í hópum þar sem nemendur frá fleiri en einum skóla vinna saman og er það sérstaklega ánægjulegt. Aðgangur að tónleikunum er ókeypis og allir hjartanlega velkomnir!