Sameiginlegir tónleikar tónlistarskólanna á Fljótsdalshéraði

Yngri strengjasveit tónlistarskólanna þriggja

Tónlistarskólinn á Egilsstöðum, Tónlistarskólinn í Fellabæ og Tónlistarskóli Norður-Héraðs í Brúarási héldu sameiginlega tónleika í Egilsstaðakirkju miðvikudaginn 29. nóvember. Tónleikarnir voru mjög skemmtilegir og hver skóli kom með flott og vel undirbúin atriði. Í sumum atriðum voru nemendur úr bara einum af þessum skólum, en sérstaklega ánægjuleg voru atriðin þar sem nemendur úr tveimur og jafnvel þremur þeirra unnu saman og eigum við það að þakka dugmiklum kennurum og góðri samvinnu skólanna. Það er líka frábært fyrir nemendur að sjá hvað er gangi í hinum skólunum. Að ári er síðan stefnt að því að halda sameiginlega tónleika tónlistarskólanna í Brúarási.