Semballinn kláraður

Tónlistarskólinn fékk kærkomna heimsókn í mars, en Örn Magnússon kom og varði nokkrum dögum í að vinna í sembalnum okkar, sem staddur er í Egilsstaðakirkju. Semballinn kom ósamsettur til skólans á sínum tíma og Kristján Gissurarson setti hann saman. Kristján var afar laghentur maður og tónlistarmaður að auki, og kom hljóðfærinu saman með ótrúlegri lagni. Hins vegar þurfti lærðan hljóðfærasmið til þess að fullklára hljóðfærið svo það yrði eins og best verður á kosið, en Örn hefur einmitt lagt stund á nám í sembalsmíði. Það var því mikið happ að fá Örn til okkar, og hljóðfærið er orðið allt annað!