Síðustu tónleikar skólaársins í Dyngju

Tónlistarskólinn hélt síðustu tónleika sína í Dyngju á þessu skólaári þriðjudaginn 21. maí. Heyra mátti píanóleik, gítarleik og söng á tónleikunum og komu nemendur á öllum aldri og öllum námsstigum fram. Íbúar Dyngju og gestir fengu að hlýða á sígilda tónlist, þjóðlagtónlist og rokktónlist og tóku þeir flytjendum mjög vel sem endranær. Þetta voru níundu tónleikar Tónlistarskólans í Dyngju þetta skólaárið og er alltaf jafn ánægjulegt að nemendur skuli fá þarna tækifæri til þess að koma fram. Við þökkum starfsfólki Dyngju kærlega fyrir samstarfið yfir skólaárið og hlökkum til næsta árs. Einnig þökkum við íbúum Dyngju innilega fyrir frábærar móttökur!