Síðustu tónleikar skólaársins í Dyngju

Nemendur tónlistarskólans spiluðu og sungu í síðasta sinn á þessu skólaári í hjúkrunarheimilinu Dyngju þriðjudaginn 24. maí. Voru þetta aðeins þriðju tónleikar ársins á Dyngju vegna faraldursins, en við væntum þess að geta komið mánaðarlega þangað á næsta skólaári. Á tónleikunum mátti heyra píanóleik, flautuleik, saxófónleik og söng og komu nemendur á öllum aldri fram á þeim, en aðallega var um að ræða sígilda tónlist að þessu sinni auk eins frumsamins verks. Íbúar tóku nemendum að vanda vel, enda stóðu þeir sig með mikilli prýði. Við þökkum Dyngju kærlega fyrir samstarfið og móttökurnar þetta árið og hlökkum til þess næsta!