Sinfóníuhljómsveit tónlistarskólanna

Þrír strengjanemendur úr Tónlistarskólunum á Egilsstöðum og Tónlistarskólanum í Fellabæ, þau Bríet, Kristófer Gauti og Þuríður Nótt, tóku þátt í Sinfóníuhljómsveit tónlistarskólanna í Reykjavík nú í janúar. Að loknu þriggja vikna hljómsveitarnámskeiði hélt hljómsveitin tónleika í Langholtskirkju þann 27. janúar og flutti Trompetkonsert í D-dúr eftir Torelli og Sinfóníu nr. 9 eftir Dvorák undir stjórn Guðmundar Óla Gunnarssonar. Það er mikilvægt fyrir lengra komna nemendur á hljómsveitarhljóðfæri að fá að leika í sinfóníuhljómsveit og því mjög ánægjulegt að boðið sé upp á slík verkefni. Nemendur fengu ferðastyrk frá Air Iceland Connect og menningarnefnd Fljótdalshéraðs og þökkum við kærlega fyrir það!