Skilaboðaskjóðan

Leikhúshljómsveitin

Yngsta stig Egilsstaðaskóla setti upp Skilaboðaskjóðuna og sýndi fyrir troðfullu húsi miðvikudaginn 3. apríl. Tónlistarskólinn tók að vanda þátt í uppsetningunni og sá um útsetningar á lögunum og tók þátt í söngþjálfun, auk þess að leikhúshljómsveitin var skipuð nemendum og kennurum skólans. Það var sérstaklega ánægjulegt að nokkrir nemendur úr 2. og 3. bekk Egilsstaðaskóla spiluðu með í hljómsveitinni, bæði á slagverk og blásturshljóðfæri. Tónlistin í sýningunni, sem er eftir Jóhann G. Jóhannsson, er stórskemmtileg og var þetta frábær reynsla fyrir nemendur okkar. Við þökkum Egilsstaðaskóla kærlega fyrir gott samstarf og óskum þeim innilega til hamingju með sérstaklega glæsilega sýningu!